Tuesday, 19 November 2013

ಲಜ್ಜೆ

       
ಹೃದಯದಾಳದಲ್ಲಿ ಭದ್ರವಾಗಿ ಬೇರು ಬಿಟ್ಟು
ಕ್ಷಣ ಕ್ಷಣವೂ ಇಂಚು ಇಂಚಾಗಿ
ಹೊಸ ಕವಲುಗಳಲ್ಲಿ ಚಿಗುರುತ್ತ
ಮೈಮನಗಳನ್ನು ಗಾಢವಾಗಿ ಆವರಿಸಿ
ಬಿರಿದು ಅರಳಿ ನಿಂತಿದೆ ನಗುವಾಗಿ

ಮುಖದ ಬಿಳಿ ಪರದೆಯ ಮೇಲೆ
ಮೂಡುತಿದೆ ಹೊಸ ಕಿರಣಗಳ ಬೆಳಕು
ಬದಲಾಯಿಸುತ್ತ ಬಣ್ಣಗಳ ಅಂಗಿಯನ್ನು
ಬರೆಯುವುದು ಭಾವಗಳ ಚಿತ್ತಾರಗಳನ್ನು
ಮನದ ಏರಿಳಿತಗಳ ದಾಖಲಿಸುವಂತೆ

ಕನ್ನಡಿಯ ಮುಂದೆ ನಿಂತು
ಕಣ್ಣುಗಳಲ್ಲಿ ಕಣ್ಣಿಟ್ಟು ಈ ಮನಸು
ಪ್ರತಿಬಿಂಬದ ಬಿಂಬವನ್ನು ಸೆರೆಹಿಡಿಯುವಾಗ
ಗುಪ್ತವಾಗಿ ಜಾರುತ್ತಿದೆ ಹೃದಯ ಬಡಿತವು
ಸೋಲುವುದು ಈ ಉಸಿರು ಎದೆಯೊಳಗೆ



2 comments:

  1. ವಾಹ್ ! ಚಂದದ ಭಾವೂಕ ಭಾವ.
    ಇಷ್ಟವಾಯ್ತು :)

    ReplyDelete