Monday, 11 November 2013

ಏತಕೆ ಹೊಸದಾದ ಹುಚ್ಚು ಈ ಮನಕೆ
ಮತ್ತೆ ಮತ್ತೆ ಕಾಡುತಿದೆ ಅದೇ ಹಾಳು ಬಯಕೆ
ತುಡಿದಿದೆ ಮನವು ಆ ಹಿತವಾದ ಸ್ಪರ್ಶಕೆ
ಕರಗಿದೆ ಈ ತನುವು ಮೋಹದ ಬಿಸಿಗೆ||

ಚಂಚಲತೆಯ ಕೂಸಾಗಿದೆ ಈ ಜೀವವು
ಬೇರೆನನ್ನೂ ನೆನೆಯದು ಹುಚ್ಚುಮನವು
ಬಯಕೆಯ ಪಾಶಕ್ಕೆ ಸೋತುಹೋಗಿದೆ ಉಸಿರು
ಹಿಡಿತಕ್ಕೆ ಸಿಗದಾಗಿದೆ ಓಟದ ವೇಗವು||

ಆ ಬಾಹುಬಂಧನದ ಸಿಹಿಯಾದ ನೋವು
ಆ ಸಿಹಿಚುಂಬನದ ಮತ್ತಿನ ಕಾವು
ಬೇಕೆನ್ನಿಸಿದೆ ಮತ್ತೆ ಆ ರೋಮಾಂಚನವು
ತುಡಿಯುತಿದೆ ಈ ಹೃದಯ ಪ್ರತಿಕ್ಷಣವು||

ಬೇಯುತಿದೆ ಪ್ರತಿಉಸಿರು ನಿರೀಕ್ಷೆಯಲ್ಲಿ
ಹೇಳಲಾಗದ ಖುಷಿಯು ಈ ಅನಿಶ್ಚಿತತೆಯಲ್ಲಿ
ಕಳೆದುಹೋಗಲು ಬದುಕು ಈ ಭಾವದಲ್ಲಿ
ಧನ್ಯತೆಯ ನಿಟ್ಟುಸಿರು ಒಲವ ನೆನಪಲ್ಲಿ||

 

No comments:

Post a Comment