Sunday, 26 August 2012

ವಿರಹ


ಅಳೆಯಲಾಗದು ಏಕೆ?
ಭಾವ ಬಯಕೆಯ ತಾಪವನ್ನು
ಹೊತ್ತಿ ಉರಿಯುವ ನಯನಗಳಲ್ಲಿ
ಆರಿಹೋಗದು ರೆಪ್ಪೆಯ ಚಲನೆಗೆ
ಸೋಕದಾಯಿತು ಹೇಗೆ?
ಕಿಡಿ ಹೊತ್ತಿಸಿ ಕಿಚ್ಚು ಹೆಚ್ಚಿಸಿದವನ
ತನುಮನ ಕರಗುತ್ತಿರುವಾಗ
ದೂರನಿಂತು ನೋಡುವ ಪರಿಯೆಂತು?
ಶಮನಗೊಳ್ಳುವ ಮಾತೆಲ್ಲಿಯದು
ಸುಪ್ತಕುಂಡದಲಿ ಜ್ವಾಲಾಕಣದ ಶೇಷ
ಹೊತ್ತಿಸಲಿ ವಿರಹದ ದೀವಿಗೆಯ
ಆತ್ಮಚೇತನದ ದಿವ್ಯ ಆರಾಧನೆಗೆ
ಕಾಲಗರ್ಭದಲ್ಲಿನ ಜ್ವಾಲಾಮುಖಿಯಾಗಿ
ಜನ್ಮಜನ್ಮಕೂ ಸ್ಫೋಟಗೊಂಡು
ಜೀವದುಸಿರಲ್ಲಿ ಲೀನವಾಗಿ
ಶಾಂತಗೊಳ್ಳುವ ಘಳಿಗೆಯೆಂದು?